യാത്ര

യാത്ര

തിരിച്ചുവരവിന്റെ അവസാനത്തെ പടി കടക്കുമ്പോഴെങ്കിലും

നിന്റെ ചുണ്ടുകൾ എന്നെ സ്പർശിക്കുമോ എന്ന് ഞാൻ സംശയിക്കുന്നു..

ആ സംശയമാണല്ലോ ഈ യാത്രയുടെ തുടക്കം...

നിന്റെ ചുണ്ടിലെ നേർത്ത നനവ് 

പലപ്പോഴും എന്റെ കണ്ണുകളെ നിറച്ചിട്ടുണ്ട്...

ആ പ്രണയബാഷ്പം

 എന്റെ ചുണ്ടിലൂടെ

ഹൃദയത്തിന്റെ പടിക്കെട്ടിലിടിച്ച് ശരീരമാകെ ചിതറി തെറിച്ചിരിപ്പുണ്ട്...

കറുത്ത ചുണ്ടിലാരോ വരച്ചിട്ട ചുവന്ന നൂൽ പാലങ്ങളിൽ

കുടുങ്ങി കിടപ്പുണ്ടെന്റെ ജീവനിന്നും

പലിശ കെട്ടാത്ത പണയമായി...

ഇനിയും ഉറപ്പില്ല ,

ഉപ്പുനീരിൻ ചവർപ്പുള്ള നിന്റെ ചുണ്ടുകൾ 

കയ്പ്പു പേറുമെന്റെ

മേനിയെ പുൽകുമെന്ന്...

തിരിച്ചുവരവിന്റെ അവസാനത്തെ പടി കടക്കുമ്പോഴെങ്കിലും

നിന്റെ ചുണ്ടുകൾ എന്നെ സ്പർശിക്കുമോ എന്ന്...

വിഷ്ണു